Yfirlit

Landsnet hefur skilgreint 5 lykilmælikvarða sem hver og einn tengist loforðum fyrirtækisins til hagsmunaaðila, s.s. viðskiptavina, eigenda, samfélags og starfsfólks. Þessir mælikvarðar eru:

Frammistöðuskýrslan fjallar um loforðið „öruggt rafmagn, gæði og öryggi flutningskerfisins til framtíðar“. Hún er samantekt upplýsinga úr flutningskerfinu fyrir árið 2018, sem notaðar eru til að meta frammistöðu fyrirtækisins hvað varðar gæði rafmagns og afhendingaröryggi. Skýrslan tekur mið af skyldum Landsnets samkvæmt reglugerð nr. 1048/2004, um gæði raforku og afhendingaröryggi, sem og innri markmiðum fyrirtækisins og sýnir tölfræði ársins 2018, samanborið við tölfræði síðastliðinna 10 ára þar á undan.

Tölfræði og truflanir

Lykiltölur sýna markmið Landsnets um afhendingaröryggi og rauntölur árið 2018. Öll okkar markmið um afhendingaröryggi náðust árið 2018 og má þar helst þakka hagstæðum veðurfarsskilyrðum og fyrirbyggjandi viðhaldi þann árangur.

Mannvirki

Flutningskerfi Landsnets 2018

Tölulegar upplýsingar

Tölulegar upplýsingar úr rekstri - allt landið

Samantekt eftir landshlutum

Truflanir, skerðingar og raforkunotkun eftir landshlutum ásamt stórnotendum

Helstu rekstrartruflanir

Fyrirvaralausar rekstrartruflanir í flutningskerfinu voru alls 56 talsins en bilanir sem tengdust rekstrartruflunum voru 74 , sem þýðir að fleiri en ein bilun kom fram í nokkrum tilvikum. Skerðingar vegna fyrirvaralausra truflana í flutningskerfinu til forgangsnotenda námu samtals 70,6 MWst. Það samsvarar 2 straumleysismínútum eða 99,999% áreiðanleika afhendingar á raforku. Skilgreiningar Landsnets á alvarleikaflokkun rekstrartruflana í raforkukerfinu byggjast að hluta til á lista ENTSO-E4, „Incident classification scale“, nánari skilgreiningar á alvarleikaflokkun má nálgast í viðauka 2. Flokkun truflana í kerfi Landsnets árið 2018 er sýnd á mynd 1. Litur samkvæmt alvarleikaflokkun Landsnets gefur til kynna alvarleika hvers atburðar. Á mynd 2 er sama flokkun sýnd fyrir truflanir sem eiga upptök sín í öðru kerfi.

Truflanirnar eru flokkaðar eftir því hvort uppruni þeirra er í kerfi Landsnets (EF) eða í kerfum annarra (AE) sem hafa áhrif á kerfið hjá Landsneti. Þar getur verið um að ræða truflanir í kerfum orkuframleiðenda, orkunotenda, og dreifiveitna.

Mynd 1 Fjöldi truflana í kerfi Landsnets árið 2018 eftir alvarleikastigi.

Mynd 2 Fjöldi truflana sem eiga upptök sín í öðru kerfi árið 2018 eftir alvarleikastigi:

Helstu truflanirnar sem ollu skerðingu á afhendingu rafmagns til viðskiptavina eru taldar fram hér fyrir neðan.